A actividade principal da empresa céntrase na compra-venda de peixe fresco, desenvolvéndose fundamentalmente no interior das lonxas, tomando como punto de referencia a lonxa de Portosín (A Coruña).

Para levar a cabo tarefas como o transporte do peixe dende os barcos á lonxa, o almacenamento en caixas no interior, a súa posterior subasta e a carga e descarga en camións, a empresa precisa dispoñer de elementos de transporte interno axeitados. Entre estes destacan as carretillas elevadoras, imprescindibles para garantir a seguridade, axilidade e rendemento nos procesos diarios de manipulación.

Co obxectivo de mellorar a eficiencia operativa e garantir condicións óptimas de seguridade laboral, a empresa propón a incorporación dun novo equipo de transporte interno que se adapte ás características específicas do entorno: espazos reducidos, corredores estreitos e zonas de acceso limitado típicos da lonxa.