Actividade 1: formación no coñecemento das peculiaridades da ría, entorno mariño, bancos marisqueiros e contribución á conservación dos mesmo. Actividade que se levará a cabo nas instalacións do Centro A Misla e estará dirixida a todas as persoas con discapacidade que queiran participar. Terá unha duración trimestral e na mesma contarase coa participación de profesioanis do sector (mariscadoras, mariñeiros...) monitores do Centro A Misela e monitores do Club Adeco-dea. Realizarase formación específica sobre a ría e as súas peculiaridades, a pesca, o marisqueo, o entorno e como realizar unha conservación axeitada do medio, realizando xornadas de limpeza de praias e de zonas costeiras.

Actividade 2: formación en manexo de embarcacións á vela e a motor pequenas, co obxectivo de preparar ás persoas con discapacidade que o desexen á obtención do Titulín. Deste xeito, aquelas persoas que o desexen poderán iniciarse e formarse nesta área, co obxectivo de poder ser monitores dalgunha das actividades, dentro deste mesmo programa.

Actividade 3: Celebración de Xornadas de Lecer Náutico destinado a persoas con discapacidade, con paseos pola ría nas embarcacións propiedade do Club Adeco-Dea e cos seus monitores. Esta é unha forma de promover  o turismo accesible na nosa zona, de xeito que realizando unha axeitada promoción desta actividade, poidan asistir persoas con discapacidade que queiran participar e que empreguen recursos hoteleiros, de restauración e de distintos servizos na zona.

Actividade 4: Creación dun servizo turístico a disposición dos establecementos de aloxamentos do xeodestino, en especial aqueles que traballen con este tipo de colectivos, como Cabanas sen Barreiras.