Mar Diverso é un festival de artes escénicas e plásticas inclusivo que pon en valor o patrimonio mariñeiro a través de accións artísticas de persoas con diversidade funcional dentro da contorna costeira da Ría de Arousa, vinculando así creación + inclusión + territorio. Mar Diverso pretende vincular a dous esquecidos na nosa comunidade: a cultura tradicional mariñeira e persoas en risco de exclusión a través da arte que lle infire un valor positivo, e a utilización do territorio como escenario performativo e expositivo. A participación de toda a cidadanía é algo fundamental nesta proposta, vinculando tanto a persoas con diversidade como sen diversidade, facilitando así unha inclusión real e efectiva. As propostas artísticas estarán vinculadas ó patrimonio material e inmaterial da Ría de Arousa, tanto na creación como na exhibición que terá lugar nos diferentes espazos patrimoniais da comunidade. A planificación do proxecto comezará a finais deste ano, e o proceso creativo dará comezo en febreiro. O festival terá lugar a principios de xullo cunha duración dunha semana