Sorry, you need to enable JavaScript to visit this website.

O proxecto ‘ Biomares’ apoiado polo GALP 5, mellor start- up no concurso ‘Mares Circulares’

 

A iniciativa ' Biomares', promovida pola empresa  Ecoplas Barbanza, foi galardoada como a mellor  start- up no concurso ‘Mares Circulares’ cofinanciado por Coca-Cola, e que promove a realización de estudos científicos no ámbito da xestión dos espazos naturais mariños e fluviais, a reciclaxe e a economía circular.

O concurso premiou tamén outros tres proxectos que buscan solucións aos lixos en contornas acuáticas: o estudo científico 'Xestión intelixente de residuos  PET', dirixido por Giovanni  Rizzi, do Madrid Internet  of  Things  Institute (MIOTI); 'Estudo do contido de plásticos na  ictiofauna aragonesa', liderado pola doutora  Mayte Pozo, pertencente ao Departamento de Educación e Investigación do Acuario de Zaragoza; e 'Reciclando, reusando e reducindo: estratexias químicas, biolóxicas e enerxéticas para a sustentabilidade no ciclo integral da auga', dirixido por doutora María de los Ángeles Martín, da Universidade de Córdoba.

O proxecto  Biomares' propón solucionar o uso de plásticos derivados do petróleo e substituílos por materiais biodegradables e  compostables na fabricación de envases usados na contorna submarina. A iniciativa foi recompensada cun premio de 5.000 euros.