Sorry, you need to enable JavaScript to visit this website.

AMARA BARES

O proxecto consiste na creación dun restaurante gastronómico no Porto de Bares (Mañón), concebido como un espazo exclusivo e de pequeno formato, cunha capacidade máxima para 20 comensais. A iniciativa pretende ofrecer unha experiencia culinaria diferenciada, baseada na excelencia dos produtos do mar da contorna e na posta en valor da tradición mariñeira local.

A proposta gastronómica estruturarase arredor de menús degustación elaborados con peixe e marisco de proximidade, complementados cunha selección de maridaxes que permitan realzar a calidade dos produtos locais. O restaurante apostará pola temporalidade, a sustentabilidade e a colaboración co sector pesqueiro, contribuíndo á valorización das capturas locais e á promoción da gastronomía mariñeira como recurso turístico.

En conxunto, o proxecto busca consolidarse como un referente gastronómico e cultural vinculado ao litoral, reforzando a identidade marítimo-pesqueira do Porto de Bares, impulsando o turismo de calidade e xerando novas oportunidades de desenvolvemento económico asociadas á economía azul e á promoción dos produtos do mar.

Datos xerais
Acrónimo: 
PE155A-2026-00173
Tipo de proxecto: 
Produtivo
Non produtivo
Tipo de proxecto: 
Individual
Conxunto
Cooperación
Datos do promotor
Nome e apelidos / Razón social: 
Amara Bares, SL
Datos de interese: 
-
Perfil empresarial: 
-
Datos do proxecto
Referencia normativa: 
Orde do 12 de Decembro de 2025 pola que se establecen as bases reguladoras para a concesión de axudas para proxectos ao abeiro da EDLP do GALP, na convocatoria 2026
Convocatoria - ano: 
2026
Data de aprobación: 
13/07/2026
Prazo de execución
Prazo total (meses): 
19
Anualidades: 
2026 e 2027
Data fin de execución: 
31/10/2027
Ámbito de aplicación: 

Mañón (A Coruña)

Información económica inicial do proxecto
Coste total do proxecto (subvencionable + non subvencionable): 
228.532,97 €
Coste subvencionable do proyecto (inversión pública + inversión privada): 
228.532,97 €
Total axuda pública aprobada (€): 
114.207,24 €
% Subvención: 
50,0
Reparto de axuda pública aprobada
FEMP (€): 
79.945,08 €
FEMP (%): 
70
CA (€): 
34.262,17 €
CA (%): 
30
Indicadores
Sexo promotor: 
Muller
Home
Idade promotor: 
< 40 anos
> 40 anos
Negocio de nova creación: 
Sí
Non
Diversificación da actividade pesqueira: 
Si
Non
Emprego creado (ETC): 
Si
Non
Nº emprego creado (ETC): 
1
Emprego mantido (ETC): 
Si
Non
Nº emprego mantido (ETC): 
-
Actividades de formación: número de mulleres que participaron: 
-
Estratexia de desenvolvemento local participativa, obxectivos e prioridades dos proxectos
Principais obxectivos do proxecto: 
  • Dar a coñecer a riqueza gastronómica dos produtos do mar da Mariña e Ortegal, promovendo o consumo de peixe e marisco de proximidade e poñendo en valor a súa calidade, diversidade e vinculación coa tradición mariñeira do territorio.
  • Impulsar o turismo gastronómico na área de influencia, creando unha oferta diferenciada que atraia visitantes interesados na gastronomía, na cultura mariñeira e nos recursos naturais da costa.
  • Promover unha visión innovadora e creativa da gastronomía mariñeira, elaborando propostas culinarias que reinterpreten os produtos do mar locais, contribuíndo á súa valorización e á diversificación da oferta gastronómica.
  • Mellorar a infraestrutura hostaleira do territorio, dotando ao Porto de Bares dun novo establecemento de restauración de alta calidade que complemente a oferta existente e responda á demanda turística da zona.
  • Favorecer a creación de emprego e a fixación de poboación no medio rural, xerando novas oportunidades laborais e contribuíndo á conciliación familiar e ao desenvolvemento socioeconómico dun concello de menos de 5.000 habitantes.
  • Xerar sinerxías entre gastronomía, patrimonio e turismo, promovendo o coñecemento e a difusión do patrimonio cultural, marítimo-pesqueiro e natural do territorio como elementos complementarios da experiencia turística e gastronómica.
Resultados concretos previstos coa implementación do proxecto: 
  • Incrementar a afluencia de visitantes ao territorio, especialmente durante a tempada estival, contribuíndo a reforzar o atractivo turístico do Porto de Bares e da contorna da Mariña-Ortegal.
  • Favorecer a desestacionalización do turismo gastronómico, atraendo visitantes ao longo de todo o ano mediante unha oferta culinaria diferenciada baseada nos produtos do mar e na identidade mariñeira do territorio.
  • Posicionar o Porto de Bares como un destino gastronómico de referencia en Galicia, ofrecendo unha proposta singular que complemente e diversifique a oferta gastronómica doutras zonas tradicionalmente consolidadas neste ámbito.
  • Valorizar os produtos da pesca costeira artesanal, impulsando o aproveitamento gastronómico de especies de baixura e doutras capturas pouco demandadas, mediante elaboracións innovadoras e de alta calidade que incrementen o seu valor engadido e favorezan un consumo máis sostible.
Principais actividades do proxecto: 

Actividade 1. Deseño e elaboración dunha proposta gastronómica de alta calidade.
Crearase un menú degustación baseado en produtos do mar da Mariña-Ortegal, elaborado mediante técnicas culinarias actuais e innovadoras que permitan poñer en valor o peixe e o marisco de proximidade, así como especies da pesca costeira artesanal, resaltando a súa calidade, temporalidade e identidade gastronómica.

Actividade 2. Organización de eventos gastronómicos personalizados.
Desenvolveranse experiencias gastronómicas adaptadas a distintos perfís de clientes e celebracións, ofrecendo servizos personalizados que combinen gastronomía, maridaxe e interpretación do patrimonio marítimo-pesqueiro do territorio.

Actividade 3. Realización de obradoiros e presentacións de produto.
Organizaranse talleres dirixidos á promoción de produtos do sector pesqueiro e agroalimentario, favorecendo o coñecemento das súas características, procesos de elaboración e posibilidades culinarias, en colaboración con produtores e marcas vinculadas ao territorio.

Actividade 4. Desenvolvemento de showcookings con degustación.
Levaranse a cabo demostracións culinarias nas que se elaborarán receitas con produtos do mar locais, acompañadas de degustacións comentadas para divulgar a calidade, a versatilidade e o valor gastronómico das especies comercializadas polo sector pesqueiro da contorna.

Actividade 5. Programación de actividades culturais no restaurante.
O establecemento acollerá exposicións e outras iniciativas culturais relacionadas coa historia, a tradición mariñeira e o patrimonio marítimo-pesqueiro da Mariña-Ortegal, converténdose nun espazo de encontro entre gastronomía, cultura e territorio.

Actividade 6. Interacción directa co chef na presentación dos produtos.
Durante o servizo, o chef presentará persoalmente os menús e os produtos empregados, explicando a súa procedencia, as especies utilizadas, as técnicas de elaboración e a súa relación co sector pesqueiro local, enriquecendo a experiencia gastronómica e sensibilizando ás persoas visitantes sobre o valor dos produtos do mar de proximidade.

Obxectivos da EDLP do GALP á que responde
Obxectivo estratéxico da EDLP: 

Obxectivo Estratéxico 2 . Fomento da economía azul nas zonas pesqueiras e acuícolas mediante o apoio á diversificación dentro e fóra do sector da pesca comercial, a aprendizaxe permanente e a creación de emprego nas zonas pesqueiras e acuícolas.

Obxectivo específico da EDLP: 

OBXECTIVO ESPECÍFICO 2.1. Incrementar a relación do sector pesqueiro e do produto pesqueiro en actividades de diversificación da zona costeira.

Principios horizontais
Desenvolvemento sostible: Medioambiente e cambio climático: 
Si
Non
Promoción da igualdade e non discriminación
Igualdade de xénero: 
Si
Non
Discriminación: 
Si
Non
Favorecer a inclusión social: 
Si
Non
Contribución aos retos dos GALP cara o 2020: 
Si
Non
Contribución: 
Política pesqueira común
Crecemento azul
Cambio climático e transición enerxética a unha economía de baixas emisións de carbono
Creación de emprego e integración social (mulleres, mozos/as e inclusión social)