VILAS DA MARIÑA

Principais obxectivos do proxecto:

Crear un complexo turístico de referencia na Mariña Lucense, baseado na identidade mariñeira do territorio e orientado á prestación dun servizo de aloxamento de calidade.
Poñer en valor o patrimonio marítimo-pesqueiro, cultural, natural e paisaxístico da contorna mediante o deseño e comercialización de experiencias e paquetes turísticos vinculados aos recursos do mar.
Promover e divulgar os produtos pesqueiros locais a través da organización de experiencias gastronómicas, eventos e actividades que favorezan o seu coñecemento e consumo.
Favorecer a diversificación económica das zonas costeiras mediante o desenvolvemento dunha oferta turística integrada na economía azul e complementaria á actividade pesqueira.
Contribuír á desestacionalización da actividade turística, creando unha oferta atractiva durante todo o ano para diferentes perfís de visitantes, especialmente familias e persoas interesadas no turismo de natureza e mariñeiro.
Desenvolver unha plataforma web para a comercialización do aloxamento, dos paquetes de experiencias e de produtos locais vinculados ao mar, facilitando a súa promoción e difusión e ampliando as canles de comercialización do proxecto

Resultados concretos previstos coa implementación do proxecto:

Creación dun complexo turístico sostible que contribúa a reforzar a oferta de aloxamento de calidade na Mariña–Ortegal, promovendo un modelo de turismo responsable, integrado no territorio e comprometido coa sustentabilidade ambiental e a mitigación do cambio climático.
Incremento do valor engadido dos produtos do mar da Mariña Lucense mediante a súa incorporación á oferta gastronómica e ás experiencias turísticas, favorecendo o consumo de produto pesqueiro local e os circuítos curtos de comercialización.
Diversificación da economía azul a través da creación dunha oferta turística complementaria á actividade pesqueira, baseada no turismo mariñeiro, gastronómico, cultural e de natureza, que contribúa á xeración de novas oportunidades económicas no territorio.
Fortalecemento do tecido empresarial local mediante a colaboración con empresas, profesionais e entidades vinculadas aos sectores marítimo-pesqueiro, turístico e cultural, favorecendo a creación de sinerxías e a xeración de emprego directo e indirecto.
Contribución á desestacionalización da actividade turística mediante a comercialización de paquetes e experiencias dispoñibles ao longo de todo o ano, ampliando a permanencia das persoas visitantes e diversificando a demanda turística.
Incremento da visibilidade e comercialización da oferta turística e dos produtos locais mediante unha plataforma web propia, facilitando a reserva de aloxamentos, experiencias e produtos vinculados á cultura mariñeira e ao patrimonio da Mariña–Ortegal.

Principais actividades do proxecto:

O proxecto estrutúrase nun conxunto de actuacións orientadas á creación dunha oferta turística sostible e diferenciada, baseada na valorización do patrimonio marítimo-pesqueiro, dos produtos do mar e dos recursos naturais e culturais da Mariña Lucense. As actividades serán promovidas e coordinadas por P&P Tradición Galega, S.L., en colaboración con profesionais e entidades do territorio, e comercializaranse a través dunha plataforma web propia.

As principais actividades son as seguintes:

1. Creación do complexo turístico.
Execución das obras de construción dun complexo de aloxamentos composto por cinco edificacións e unha zona común destinada ao desenvolvemento das actividades previstas no proxecto. Esta actuación constitúe o investimento principal para a posta en marcha da iniciativa e executarase ao longo de dúas anualidades.

2. Desenvolvemento de experiencias mariñeiras.
Deseño, promoción e comercialización de paquetes de turismo mariñeiro que inclúan actividades como snorkel guiado por biólogos mariños, rutas marítimas interpretativas polo litoral, visitas ao Porto e á Lonxa de Burela, así como ao Barco Museo Boniteiro Reina del Carmen. As experiencias completaranse con degustacións de produtos do mar vinculados á actividade realizada.

3. Organización de experiencias gastronómicas.
Celebración periódica de actividades de show cooking e experiencias gastronómicas centradas na promoción do produto pesqueiro local, coa participación de profesionais da restauración. As xornadas permitirán dar a coñecer o proceso completo de captura, transformación e consumo dos produtos do mar, complementándose con contidos audiovisuais sobre sustentabilidade, biodiversidade mariña e conservación do medio costeiro.

4. Realización de rutas culturais e patrimoniais.
Organización de visitas guiadas a recursos de interese histórico, cultural e marítimo da comarca, como o Castro de Fazouro, o Museo Provincial do Mar de San Cibrao, a Confraría de Celeiro e o Paseo dos Namorados de Cervo, fomentando un turismo activo, sostible e respectuoso co patrimonio.

5. Comercialización de produtos e servizos complementarios.
Desenvolvemento dunha plataforma web para a reserva do aloxamento e das experiencias ofertadas, incorporando ademais a venda de publicacións relacionadas coa cultura mariñeira e de conservas elaboradas con produtos do mar de proximidade, reforzando a promoción e comercialización dos recursos locais.

Formulario de busca

Formulario de busca

VILAS DA MARIÑA