TECENDO FUTURO: PROFESIONALIZACIÓN DO SECTOR E REXERACIÓN DO MAR DE CEDEIRA

O proxecto ten como finalidade favorecer o relevo xeracional e fortalecer a sustentabilidade social e económica do sector mariñeiro, promovendo a incorporación de novas profesionais ao oficio de redeira e ampliando as oportunidades laborais das mariscadoras mediante a adquisición de novas competencias vinculadas ao mantemento e reparación de artes de pesca.

A iniciativa busca incrementar o número de persoas cualificadas nunha profesión esencial para o funcionamento da actividade pesqueira, contribuíndo á conservación dun oficio tradicional de gran valor patrimonial e estratéxico para o sector. Ao mesmo tempo, pretende ofrecer ás mariscadoras unha alternativa de diversificación profesional que lles permita complementar a súa actividade habitual, mellorando a súa estabilidade económica durante os períodos de menor actividade extractiva ou de rexeneración dos bancos marisqueiros.

O proxecto desenvolverase a través dun programa formativo especializado en confección, mantemento e reparación de artes de pesca, favorecendo a transmisión de coñecementos entre profesionais experimentadas e novas incorporacións, garantindo así a continuidade dun oficio tradicional adaptado ás necesidades actuais do sector.

Complementariamente, incorporarase unha estratexia de sensibilización e educación ambiental orientada á cidadanía, destinada a poñer en valor o traballo das redeiras e do conxunto do sector mariñeiro, promover un consumo responsable dos produtos do mar, fomentar o respecto polos ecosistemas costeiros e impulsar accións de prevención da contaminación e redución do lixo mariño.

En conxunto, o proxecto contribuirá á diversificación profesional, ao relevo xeracional, á igualdade de oportunidades, á conservación dos oficios tradicionais do mar e á sustentabilidade ambiental e socioeconómica das comunidades costeiras, reforzando a resiliencia e competitividade do sector pesqueiro local.

Datos do promotor

Nome e apelidos / Razón social:

Confraría de Pescadores de Cedeira

Datos de interese:

Perfil empresarial:

Datos do proxecto

Referencia normativa:

Orde do 12 de Decembro de 2025 pola que se establecen as bases reguladoras para a concesión de axudas para proxectos ao abeiro da EDLP do GALP, na convocatoria 2026

Convocatoria - ano:

2026

Data de aprobación:

13/07/2026

Prazo de execución

Prazo total (meses):

Anualidades:

2026

Data fin de execución:

31/10/2026

Ámbito de aplicación:

Cedeira (A Coruña)

Información económica inicial do proxecto

Coste total do proxecto (subvencionable + non subvencionable):

39.665,62 €

Coste subvencionable do proyecto (inversión pública + inversión privada):

39.665,62 €

Total axuda pública aprobada (€):

39.665,62 €

% Subvención:

100

Reparto de axuda pública aprobada

FEMP (€):

27.765,93 €

FEMP (%):

CA (€):

11.899,69 €

CA (%):

Estratexia de desenvolvemento local participativa, obxectivos e prioridades dos proxectos

Principais obxectivos do proxecto:

Favorecer a diversificación profesional das persoas vinculadas ao sector mariñeiro, especialmente das mariscadoras, mediante a adquisición de competencias no oficio de redeira, ampliando as súas oportunidades de emprego e de xeración de ingresos.
Fomentar a polivalencia profesional, capacitando ás persoas participantes na confección, mantemento e reparación de artes de pesca, como a volanta ou os rascos, contribuíndo á continuidade dun oficio esencial para a actividade pesqueira.
Garantir unha maior estabilidade económica das mariscadoras e doutros profesionais do mar, ofrecendo unha alternativa laboral complementaria que lles permita diversificar a súa actividade durante os períodos de menor actividade extractiva ou de rexeneración dos recursos mariños.
Preservar e transmitir o patrimonio artesanal e os oficios tradicionais do mar, asegurando o relevo xeracional da profesión de redeira e contribuíndo á conservación do coñecemento tradicional da Galicia mariñeira.
Sensibilizar á cidadanía sobre a importancia da conservación dos ecosistemas mariños, promovendo o coñecemento dos procesos de rexeneración dos areais, da relevancia do osíxeno e dos nutrientes no desenvolvemento do marisco e da necesidade de protexer o medio mariño.
Promover hábitos de consumo responsable e impulsar accións de educación ambiental que fomenten o coidado do litoral e a redución do lixo mariño.
Reforzar a promoción e visibilidade do patrimonio mariñeiro de Cedeira, poñendo en valor os oficios de mariscadora e redeira como elementos fundamentais da identidade costeira e da economía azul.
Potenciar a posta en valor dos produtos pesqueiros e marisqueiros locais, destacando a súa calidade, a súa vinculación co territorio e o traballo dos profesionais que forman parte da cadea de valor do sector pesqueiro.

Resultados concretos previstos coa implementación do proxecto:

Capacitación das persoas participantes para desenvolver o oficio de redeira, favorecendo a súa inserción laboral e permitindo que poidan realizar traballos de confección, mantemento e reparación de artes de pesca para a frota de Cedeira e da súa contorna.
Incremento da diversificación profesional das mariscadoras e doutros profesionais do sector, proporcionándolles unha fonte de ingresos complementaria que contribúa á súa estabilidade económica.
Contribución á continuidade da actividade pesqueira, garantindo a dispoñibilidade de profesionais cualificadas para o mantemento e reparación das artes de pesca e evitando a falta deste servizo esencial para a frota artesanal.
Conservación e transmisión do oficio tradicional de redeira, favorecendo o relevo xeracional e preservando un patrimonio cultural e profesional de gran valor para a comunidade mariñeira.
Fortalecemento da colaboración e da cohesión entre as mulleres do mar, promovendo a valorización social das profesións de mariscadora e redeira e reforzando o seu papel no desenvolvemento económico e social da vila.
Aumento da sensibilización da cidadanía sobre a importancia dos oficios mariñeiros e da cadea de valor da pesca, favorecendo un maior recoñecemento do traballo desenvolvido polas mariscadoras e redeiras.
Mellora do coñecemento da poboación sobre a conservación dos ecosistemas costeiros, os procesos de rexeneración dos bancos marisqueiros e a necesidade de protexer o medio mariño, promovendo comportamentos máis responsables e sostibles.
Incremento da visibilidade do patrimonio mariñeiro de Cedeira e da posta en valor dos produtos pesqueiros e marisqueiros locais, reforzando a identidade marítima do territorio e contribuíndo ao desenvolvemento sostible da economía azul.

Principais actividades do proxecto:

O proxecto estrutúrase en tres actuacións principais orientadas á formación, á sensibilización social e á promoción dos oficios tradicionais do mar.

A1 | Xornada de presentación e captación de participantes

Como actividade inicial organizarase unha xornada de presentación do proxecto destinada a dar a coñecer os seus obxectivos e captar participantes para a acción formativa. Nesta sesión participarán persoas vinculadas ao sector pesqueiro, representantes institucionais, entidades colaboradoras e outros axentes do territorio. A xornada concluirá cunha degustación de produtos do mar como elemento de promoción da gastronomía mariñeira e de valorización dos produtos pesqueiros locais.

A2 | Curso de mantemento e reparación de artes de pesca

Desenvolverase un curso especializado de 300 horas de duración sobre confección, mantemento e reparación de artes de pesca, dirixido prioritariamente ás mariscadoras e ás persoas interesadas en incorporarse ou diversificar a súa actividade dentro do sector mariñeiro. A formación abranguerá técnicas específicas aplicadas ás artes de palangre, cerco, artes menores e arrastre, combinando contidos teóricos e prácticos orientados á adquisición das competencias necesarias para exercer o oficio de redeira. A actividade incluirá a contratación das formadoras, os desprazamentos, os materiais especializados, os seguros e a coordinación integral da acción formativa.

A3 | Campaña de sensibilización e difusión en redes sociais

Co obxectivo de visibilizar os oficios do mar e fomentar unha maior conciencia ambiental, desenvolverase unha campaña de comunicación en redes sociais composta pola elaboración e difusión de seis microvídeos accesibles, con subtítulos, e seis infografías técnicas. Os contidos abordarán cuestións como a rexeneración dos bancos marisqueiros, a conservación do medio mariño, a redución do lixo mariño, a promoción do consumo de produtos procedentes da pesca artesanal, a posta en valor do traballo das redeiras e mariscadoras, o patrimonio mariñeiro inmaterial e o papel das mulleres no sector pesqueiro.

Obxectivos da EDLP do GALP á que responde

Obxectivo estratéxico da EDLP:

Obxectivo Estratéxico 1. Aumento do valor, creación de emprego, valorización e fomento da participación das mulleres, atracción de persoas mozas e promoción da innovación en todas as fases da cadea de produción e subministro dos produtos da pesca e a acuicultura, e a mellora da imaxe destes produtos e a actividade produtiva a nivel local para a súa incorporación á cultura alimentaria do territorio.

Obxectivo específico da EDLP:

OBXECTIVO ESPECÍFICO 1.2. Facer das actividades marítimo-pesqueiras un ámbito de empregabilidade de colectivos menos favorecidos e de cohesión social na Mariña-Ortegal.

Contribución aos retos dos GALP cara o 2020:

Si
Non

Contribución:

Política pesqueira común
Crecemento azul
Cambio climático e transición enerxética a unha economía de baixas emisións de carbono
Creación de emprego e integración social (mulleres, mozos/as e inclusión social)

Formulario de busca

Formulario de busca

TECENDO FUTURO: PROFESIONALIZACIÓN DO SECTOR E REXERACIÓN DO MAR DE CEDEIRA