Sorry, you need to enable JavaScript to visit this website.

MARIS: MEMORIA, ARTE, REDE E INCLUSIÓN SOCIAL

O proxecto "MARIS: Memoria, Arte, Rede e Inclusión Social" ten como obxectivo recuperar, preservar e divulgar o patrimonio marítimo-pesqueiro do territorio GALP A Mariña–Ortegal mediante unha iniciativa social, cultural e participativa que promove a inclusión activa das persoas con discapacidade como protagonistas na conservación e transmisión da memoria mariñeira.

A iniciativa estrutúrase en tres fases complementarias. Nunha primeira etapa desenvolveranse accións formativas sobre a cultura mariñeira, os oficios tradicionais da pesca e a historia das comunidades costeiras. Posteriormente organizaranse encontros interxeracionais para recompilar e conservar a memoria oral vinculada ao mar, recollendo testemuños, cantigas, refráns, vivencias e costumes que forman parte do patrimonio inmaterial do territorio. Finalmente, os contidos obtidos servirán de base para a creación e representación dunha obra de teatro inclusiva protagonizada polas propias persoas participantes.

O proxecto completarase con actividades de promoción e sensibilización, incluíndo eventos con degustación de produtos pesqueiros locais, favorecendo a posta en valor da cultura mariñeira, o consumo de produtos do mar de proximidade e a conexión entre patrimonio, inclusión social e economía azul, contribuíndo ao fortalecemento da identidade costeira do territorio.

Datos xerais
Acrónimo: 
PE155A-2026-00156
Tipo de proxecto: 
Produtivo
Non produtivo
Tipo de proxecto: 
Individual
Conxunto
Cooperación
Datos do promotor
Nome e apelidos / Razón social: 
Asociación Sociocultural ASCM
Datos de interese: 
-
Perfil empresarial: 
-
Datos do proxecto
Referencia normativa: 
Orde do 12 de Decembro de 2025 pola que se establecen as bases reguladoras para a concesión de axudas para proxectos ao abeiro da EDLP do GALP, na convocatoria 2026
Convocatoria - ano: 
2026
Data de aprobación: 
13/07/2026
Prazo de execución
Prazo total (meses): 
32
Anualidades: 
2026, 2027 e 2028
Data fin de execución: 
31/10/2028
Ámbito de aplicación: 

Ribadeo, Barreiros, Foz, Burela, Cervo, Xove, Viveiro, O Vicedo, Mañón, Ortigueira, Cariño, Cedeira, Valdoviño

Información económica inicial do proxecto
Coste total do proxecto (subvencionable + non subvencionable): 
12.511,90 €
Coste subvencionable do proyecto (inversión pública + inversión privada): 
12.511,90 €
Total axuda pública aprobada (€): 
12.511,90 €
% Subvención: 
100
Reparto de axuda pública aprobada
FEMP (€): 
8.758,33 €
FEMP (%): 
70
CA (€): 
3.753,57 €
CA (%): 
30
Indicadores
Sexo promotor: 
Muller
Home
Idade promotor: 
< 40 anos
> 40 anos
Negocio de nova creación: 
Sí
Non
Diversificación da actividade pesqueira: 
Si
Non
Emprego creado (ETC): 
Si
Non
Nº emprego creado (ETC): 
-
Emprego mantido (ETC): 
Si
Non
Nº emprego mantido (ETC): 
-
Actividades de formación: número de mulleres que participaron: 
-
Estratexia de desenvolvemento local participativa, obxectivos e prioridades dos proxectos
Principais obxectivos do proxecto: 
  • Formar ás persoas con discapacidade en cultura marítima e oficios tradicionais do mar, favorecendo o coñecemento do patrimonio marítimo-pesqueiro e a súa participación activa na súa conservación e divulgación.
  • Recuperar, preservar e difundir a memoria oral vinculada ao sector pesqueiro tradicional, recompilando historias de vida, costumes, cantigas, refráns e coñecementos que forman parte do patrimonio cultural inmaterial das comunidades costeiras.
  • Crear un produto cultural inclusivo baseado na identidade mariñeira local, que contribúa á difusión do patrimonio marítimo-pesqueiro e á sensibilización da sociedade sobre o seu valor histórico, cultural e social.
  • Fomentar a cohesión social e o intercambio interxeracional, promovendo espazos de encontro entre persoas maiores vinculadas ao mar, persoas con discapacidade e a comunidade local para facilitar a transmisión de coñecementos e experiencias.
  • Contribuír á mellora da imaxe social do sector pesqueiro e á valorización dos seus produtos, promovendo o coñecemento da cultura mariñeira, dos oficios tradicionais e da importancia económica, social e patrimonial da actividade pesqueira no territorio.
Resultados concretos previstos coa implementación do proxecto: 
  • Constituír un grupo de voluntariado inclusivo especializado na conservación e difusión do patrimonio marítimo-pesqueiro, promovendo a participación activa das persoas con discapacidade nas accións culturais e de sensibilización desenvolvidas no territorio.
  • Recuperar, documentar e preservar a memoria oral vinculada aos oficios tradicionais e á cultura mariñeira, creando unha base documental que contribúa á conservación do patrimonio cultural inmaterial das comunidades costeiras.
  • Crear e difundir un produto cultural inclusivo, baseado na identidade mariñeira local, que favoreza o coñecemento e a valorización do patrimonio marítimo-pesqueiro entre a poboación do territorio.
  • Reforzar a cohesión social e o diálogo interxeracional, promovendo espazos de encontro e intercambio entre persoas maiores vinculadas ao mar, persoas con discapacidade e a comunidade local.
  • Incrementar a participación e a visibilidade das persoas con discapacidade na vida cultural do territorio, favorecendo a súa inclusión activa como protagonistas na recuperación e difusión do patrimonio marítimo-pesqueiro.
  • Mellorar a percepción social do sector pesqueiro, poñendo en valor o seu papel como elemento esencial da identidade, da cultura e do desenvolvemento das comunidades costeiras, así como promovendo os produtos pesqueiros locais nas actividades públicas vinculadas ao proxecto.
  • Xerar recursos culturais reutilizables, como materiais documentais, audiovisuais e a obra teatral inclusiva, que poidan empregarse en futuras accións educativas, culturais e comunitarias para continuar difundindo o patrimonio marítimo-pesqueiro.
Principais actividades do proxecto: 

Actividade 1. Formación en patrimonio marítimo-pesqueiro.
Desenvolveranse accións formativas dirixidas ás persoas participantes da ASCM sobre a cultura mariñeira, os oficios tradicionais do mar, o patrimonio cultural inmaterial e o papel do sector pesqueiro no desenvolvemento económico e social das comunidades costeiras. Esta formación permitirá dotar ás persoas participantes dos coñecementos necesarios para implicarse activamente na conservación e difusión do patrimonio marítimo-pesqueiro.

Actividade 2. Encontros de sensibilización e recuperación da memoria oral.
Organizaranse encontros participativos entre persoas maiores vinculadas ao mar e persoas con discapacidade co obxectivo de recompilar historias de vida, tradicións, oficios, música popular, costumes e outras manifestacións da memoria oral relacionadas coa cultura mariñeira. Os contidos recollidos constituirán a base documental do proxecto e contribuirán á preservación do patrimonio cultural inmaterial do territorio.

Actividade 3. Creación e representación dunha obra teatral inclusiva.
A partir da información recompilada durante os encontros interxeracionais elaborarase unha obra teatral inspirada na identidade mariñeira local e na memoria oral do territorio. A representación será protagonizada polas propias persoas participantes da ASCM e desenvolverase en diferentes localidades do ámbito GALP, converténdose nunha ferramenta de divulgación, sensibilización e posta en valor do patrimonio marítimo-pesqueiro.

Actividade 4. Difusión e promoción do proxecto.
Levaranse a cabo accións de comunicación e difusión para dar visibilidade aos resultados da iniciativa, incluíndo unha rolda de prensa de presentación e un acto final coincidente coa última representación teatral. Estes eventos incorporarán degustacións de produtos pesqueiros locais como elemento de promoción da gastronomía mariñeira e de valorización dos produtos do mar, reforzando a conexión entre patrimonio cultural, comunidade e economía azul.

Obxectivos da EDLP do GALP á que responde
Obxectivo estratéxico da EDLP: 

Obxectivo Estratéxico 4. Fomento do benestar social e do patrimonio cultural das zonas pesqueiras e acuícolas, incluíndo o patrimonio cultural pesqueiro, acuícola e marítimo

Obxectivo específico da EDLP: 

OBXECTIVO ESPECÍFICO 4.1. Facer do patrimonio cultural marítimo-pesqueiro un elemento de identidade da zona costeira.

Principios horizontais
Desenvolvemento sostible: Medioambiente e cambio climático: 
Si
Non
Promoción da igualdade e non discriminación
Igualdade de xénero: 
Si
Non
Discriminación: 
Si
Non
Favorecer a inclusión social: 
Si
Non
Contribución aos retos dos GALP cara o 2020: 
Si
Non
Contribución: 
Política pesqueira común
Crecemento azul
Cambio climático e transición enerxética a unha economía de baixas emisións de carbono
Creación de emprego e integración social (mulleres, mozos/as e inclusión social)