O proxecto está promovido por un mariscador menor de 40 anos, que pretende modernizar a súa empresa e mellorar tanto os procesos na cadena loxística dos produtos marisqueiros como as condicións de traballo. Vai adquirir un vehículo furgón con contenedor isotermo que terá dobre finalidade: poder garantir as condicións óptimas de temperatura nos traslados do marisco dende os bancos ata as lonxas nas que vende o promotor e levar a cabo as roldas de vixilancia para o control do furtivismo nos bancos xunto con outros compañeiros, durante os festivos e fins de semana, tal e como teñen establecido na Confraría de pescadores de Ribadeo, á que pertence.