O proxecto promove un modelo de benestar integral entre a poboación infantil e xuvenil, fomentando hábitos de vida saudables mediante o consumo de produtos pesqueiros locais e sostibles e a práctica de actividade física en contornas litorais. A iniciativa busca reforzar a conexión das novas xeracións co mar, co territorio e coa identidade mariñeira, poñendo en valor o papel do sector pesqueiro como motor económico, social e cultural.

As actuacións desenvolveranse principalmente a través de obradoiros educativos nos centros escolares, nos que se divulgarán os beneficios nutricionais do peixe e do marisco, a importancia da pesca sostible e da conservación dos ecosistemas mariños. Como complemento, organizaranse actividades deportivas adaptadas, como a Carreira das Praias, e certames escolares destinados a promover hábitos de vida saudables e o coñecemento do patrimonio marítimo-pesqueiro.

O proxecto contribuirá a sensibilizar á infancia e á mocidade sobre a importancia dunha alimentación saudable baseada en produtos do mar de proximidade, fomentará a práctica de actividade física e fortalecerá o vínculo co litoral e coa cultura mariñeira, favorecendo a transmisión dos valores asociados ao sector pesqueiro e ao desenvolvemento sostible do territorio.