Poñer en valor o patrimonio natural, arquitectónico e inmaterial vinculado á ruta de Santo André de Teixido, consolidanto o recoñecemento da mesma como sinal de identidade. Fomentar desestacionalización turística a través da promoción dun destino turístico diferenciado.
Este proxecto contribúe ao logro da Prioridade cuarta do FEMP de manter o emprego e a cohesión territorial mediante o fomento do crecemento económico, a consolidación de emprego e o apoio á empregabilidade. Coa posta en valor do medio ambiente, o patrimonio ligado ao mar así como os oficios do mar e os produtos mariños estamos incidindo na posta en valor da súa calidade diferencial e no incremento do turismo, e polo tanto no incremento do emprego (co consumo e estadías no territorio). Así, co incremento de visitantes, produciranse ademais sinerxías entre negocios locais, por exemplo cos restaurantes que ofrezan produtos locais do mar, con empresas innovadoras locais que poñan en valor produtos do mar, cos profesionais do mar (mariñeiros/as, armadores, etc.), coas empresas de turismo activo e os aloxamentos, entre outros. O proxecto contribúe ademais, á cohesión territorial, posto que a promoción desta ruta impulsa a visita a diferentes lugares da zona de Ortegal. Ademais, o proxecto é complementario con outros financiados polo GALP A Mariña-Ortegal, e xestionados polo propio Concello de Valdoviño, ou concellos como Cedeira, Cariño, Ribadeo, etc. nos que se realizan accións similares, cun discurso que enxalza o patrimonio medioambiental e patrimonial da costa.