Proxecto Morada Atlántica

PROGRAMA DE ADHESIÓN Á ETIQUETA COCIÑA ATLÁNTICA

A etiqueta “Cociña Atlántica”

Como elemento identificador e visible da filosofía concretada no Programa de Adhesión, o proxecto Morada Atlántica promove a introdución da etiqueta "cociña atlántica" co obxectivo de promocionar os pratos e produtos propios do arco atlántico, erixíndose esta como garantía de calidade.

Esta etiqueta, polo tanto, acreditará a singularidade, tradición, proximidade e rastrexabilidade dos pratos e produtos que se promocionen baixo este distintivo, baseándose este labor de promoción en informar ao consumidor final sobre os beneficios da súa adquisición e consumo. Estes beneficios da etiquetaxe dos pratos como "cociña atlántica" poderían resumirse nos seguintes 5 puntos:

Pratos e produtos cunha longa historia, tradición, modos de elaboración e produtos propios do territorio en cuestión (de ámbito local).
Pratos e produtos de proximidade, directamente adquiridos ao produtor local sen necesidade - ou reducindo considerablemente - os intermediarios intervenientes.
Pratos e produtos que implican unha redución da pegada de carbono ao eliminarse por completo o transporte de longa distancia, debido a que son primados os produtos autóctonos de proximidade, xerados e/ou transformados na contorna local.
Pratos e produtos que implican unha drástica redución dos residuos inorgánicos empregados na súa elaboración e envasado, como consecuencia da súa procedencia local tradicional.
Pratos e produtos que promocionan a divulgación dos produtos autóctonos e de proximidade, fomentando a viabilidade da economía do sector primario e garantindo a sustentabilidade dos métodos de traballo tradicionais.

Documentación requirida para a adhesión á etiqueta cocina atlántica

Xunto á solicitude para formar parte do Programa de Adhesión cada solicitante deberá achegar a seguinte documentación fotocopiada ou escaneada:

CIF da empresa
NIF dorepresentante legal da empresa
Escritura de constitución da sociedade ou documento análogo
Memoria de carácter técnico na que se especifique a localización do establecemento de restauración, listaxe de prato/s de cociña atlántica para o/os que solicita recoñecemento e listaxe de provedor/es e/ou produtos da zona que adquire para a elaboración de este/s prato/s.

REDE DE ESPAZOS MUSEÍSTICOS ATLÁNTICOS

REMA (Rede de Espazos Museísticos Atlánticos)

REMA é unha rede de espazos museísticos que pretende articular desde unha perspectiva horizontal e igualitaria a todos os espazos con contido museístico e establecementos análogos existentes no arco atlántico que desexen adherirse, sempre que cumpran cunha serie de condicións mínimas, co obxectivo de reforzar a oferta e viabilidade de todos estes espazos - que polo xeral son de pequeno ou mediano tamaño - así como a súa promoción e atractivo de face a turistas e visitantes locais.

Documentación requirida para a adhesión á Rede REMA

Junto a la solicitud para formar parte del Programa de Adhesión cada solicitante deberá adjuntar la siguiente documentación fotocopiada o escaneada:

Número de identificación fiscal do museo ou do conello do que depende
NIF do representante legal do museo ou do cargo do concello responsable da súa xestión
Acta fundacional do museo ou documento análogo
Memoria de carácter técnico na que se especifique a localización do museo, inventario de fondos museísticos dos que dispón, relación de actividades desenvolvidas nos últimos 5 anos, actividades que desexaría desenvolver grazas á súa pertenza á rede, e fondos museísticos que estaría dispostos a ceder ademais de indicar en que época do ano se cederían.

Ligazón á ficha do proxecto

Consulta aquí os programas do proxecto: