O proxecto persegue o coidado do litoral de Cedeira e a posta en valor do seu medio natural e recursos asociados, a través de diferentes actuacións de divulgación e sensibilización, así como de fomento da investigación e a conservación, dirixidas a distintos públicos: estudantes, profesionais do sector, investigadores e público xeral, traballará na posta en valor do litoral de Cedeira e, por extensión, do territorio do GALP A Mariña-Ortegal, desde o punto de vista medioambiental e da concienciación de distintos públicos para promover un uso sostible dos recursos naturais, que poña en valor a riqueza ecosistémica da ría de Cedeira cara a garantir o futuro da actividade pesqueira e marisqueira no litoral, centrandose na conservación dos recursos pesqueiros, marisqueiros e acuícolas e á calidade ambiental da zona costeira, coa participación de representantes locais clave nestes ámbitos: a Confradía de Pescadores de Cedeira, a Sociedade Galega de Historia Natural e a asociación medioambiental local ARCE. Realizaranse obradoiros sobre problemáticas ambientais en centros escolares (relacionados co currículo educativo); un Certame no que os estudantes presentarán traballos sobre problemáticas ambientais; unha Xornada sobre este mismo tema, dirixida a público adulto e na que participarán persoas expertas; e, finalmente, desenvolverase un programa de captación de investigacións universitarias sobre as problemáticas ambientais que afectan á biodiversidade do medio mariño e aos propios recursos pesqueiros. Ademais, o proxecto desenvolverá outras tres accións que serán complemetarias das anteriores: deseño de imaxe, accións de promoción e elaboración de material didáctico de apoio.