ACTO TALLER NOVA CONVOCATORIA A POBRA DO CARAMIÑAL

Onte, 18 de outubro, tivo lugar na Pobra do Caramiñal o segundo taller informativo levado a cabo na Ría de Arousa, sobre a nova convocatoria do período FEMPA. Este acto celebrouse na Sala de Xuntas da Confraría de Pescadores da Pobra do Caramiñal e contamos coa presenza da Concelleira de Turismo e o Patrón Maior da Confraría da Pobra e Xerente do GALP.

Dende este GALP Ría de Arousa queremos agradecer o alto número de participantes no devandito taller.

Este encontro tivo por obxectivo dar a coñecer ao GALP Ría de Arousa como ferramenta para o desenvolvemento económico da zona costeira, transmitindo información ás persoas asistentes sobre a orde de axudas publicada pola Consellería do Mar, cuxo prazo está aberto ata o 26 de outubro de 2023. Contamos, principalmente, cos equipos técnicos das entidades que desenrolarán os proxectos para proceder ás diversas solicitudes de axuda.

Agardamos o voso proxecto.