O proxecto consiste na mellora do proceso de subasta de peixe e marisco na lonxa de Cedeira. Modernizaranse diferentes equipamentos nas distintas fases de traballo para optimizar a trazabilidade do produto mediante a obtención de maior eficiencia e información durante o proceso de pesado e puxa e a a comercialización dos produtos locais, garantindo o correcto seguemento e a redución da pegada ecolóxica. O proxecto incentivará a profesionalización do sector cara o emprego de novas tecnoloxías nos mecanismos habituais de traballo, a través dunha xornada informativa sobre uso dos novos equipamentos e promoverá a visibilización entre a poboación xeral da importancia da trazabilidade nos produtos locais, co fin potenciar a súa calidade e valorizar a labor dos profesionais do sector. O proxecto impulsará, por tanto, a comercialización do produto local, a modernización dos sistemas de traballo e a expansión do mercado local de Cedeira.