O proxecto consiste na rehabilitación e adaptación funcional do edificio, situado na Praza de España dentro do casco histórico protexido de Ribadeo,  para adecualo como hotel. O edificio pertence o patrimonio civil de Ribadeo, é de carácter histórico–indiano, coñecido como Casa Loriente. O valor patrimonial do edificio e a súa  situación no casco histórico artístico de Ribadeo, e a proximidade ó  porto, fan do mesmo unha oportunidade estratéxica para  o desenvolvemento dunha actividade hoteleira de calidade, moi demandada na actualidade e claramente diferenciada da oferta actual.

Trátase dunha oferta innovadora conxunta de aloxamento, gastronomía e experiencias dentro e fora do hotel, mediante colaboracións con outras entidades dedicadas ao turismo activo e ao sector pesqueiro, para por en valor o produto e a actividade mariñeira.