O GALP A Mariña-Ortegal colabora coa Consellería do Mar na aplicación da Estratexia de Desenvolvemento Local Participativo (EDLP) do Fondo Europeo Marítimo e de Pesca (FEMP), dende o ano 2016.
Despois de xestionar varias convocatorias deste programa de axudas, é o momento de facer unha avaliación intermedia do traballo desenvolvido polo GALP, tal e como se contempla na nosa EDLP; para elo imos levar a cabo unha reunión das mesas sectoriais (sector pesqueiro, social, económico e público) e un Foro no que se exporán os resultados obtidos.
A reunión das mesas sectoriais terá lugar o mércores, día 20 de febreiro, de 18:00 horas a 20:00 horas no Hotel Gastronómico Boa Vista (Viveiro), e convidámoste a participar e achegar a túa opinión (adxunto remitese invitación).
A túa participación neste proceso é imprescindible.
Dado que na reunión se ofrecerá un ágape aos participantes, é necesario confirmar asistencia no seguinte enderezo electrónico: gac1@accioncosteira.es.