O GALP A Mariña-Ortegal vai celebrar o primeiro obradoiro de xeración de proxectos do mar, no marco do proxecto GOBERMAR, en Cariño. O evento terá lugar o día 5 de novembro, ás 17:00 horas, na Casa do Concello de Cariño.

O obradoiro está dirixido a entidades e empresas vinculadas ao sector pesqueiro: Confrarías de Pescadores, Asociacións de Mariscador@s, Asociacións de Redeir@s, Asociacións de Pescadores, Pescadores de pesca artesanal, empresas comercializadoras e transformadoras.... e o obxectivo do mesmo é incrementar o número de iniciativas promovidas polo sector pesqueiro do noso ámbito territorial (dende Ribadeo ata Valdoviño)

As persoas interesadas en participar poden inscribirse en: gobermar.marinaortegal@gmail.com

Dende o GALP A Mariña-Ortegal, agradecemos a colaboración do Concello de Cariño na organización deste obradoiro.