mércores, 12 de Xuño de 2019 - 10:06
O martes 11 de xuño foron os alumnos do CEIP de San Cosme os que participaron nas actividades previstas dentro do programa «Mares de Cultura, os Nenos e o Mar 2019», promovido polo GALP A Mariña Ortegal.
Visitaron o Centro de Cultivos Mariños (CECUMAR) de Ribadeo, centro de investigación mariña de referencia en Galicia.
Os escolares aprenderon sobre organismos mariños e sobre a cría e cultivo de especies de moluscos bivalvos como as ameixas. Falamos tamén sobre os ecosistemas das rías, a importancia de coidar estes espacios naturais e a posta en valor do marisqueo.