Proxecto consistente na organización dun congreso, centrado na infancia e a adolescencia, no que se poña en valor o potencial da pesca o dos seus produtos, na contorna da Mariña, non só polo que implica a nivel de alimentación, senón polo que supón no ámbito do desenvolvemento social e económico.
O público obxectivo ao que se dirixe o proxecto é, principalmente, o alumnado de centros educativos públicos de educación infantil e primaria (CEIP) e Institutos de Educación Secundaria (IES), tamén se desenvolverían accións no consumo colectivo, en centros da Rede Única de Entidades Prestadoras de Servizos Sociais (RUEPSS), tales como centros de inclusión social, de maiores,...
O proxecto estruturarase en dúas fases: a primeira, comprenderá a realización de actividades previas co público obxectivo, que darán contido para desenvolver diferentes accións no Congreso. A segunda, fará referencia á realización do propio Congreso.
As actividades previas comprenderán temáticas relativas a: investigación en canto ao comportamento no consumo de produtos pesqueiros dentro do alumnado dos centros de educación secundaria e bachalerato, un certame literiario de temática centrada no mar e nas actividades pesqueiras, elaboración dun recetario para recuperación de elaboracións gastronómicas tradicionais ou innovacións tendo como materia prima o produto pesqueiro das lonxas da Mariña Lucense, realización dunha limpeza de praias e exposición do lixo recollido a través dunha mostra, desenvolvemento de actividades na escola de hostalería (elaboración gastronómica combinando produto do mar e da terra para servilo o día do Congreso e participación no mesmo como provedor do servizo de catering), realización dun obradoiro de artesanía vinculada ás actividades do proxecto e un obradoiro interxeracional e a degustación de produto pesqueiro en centros de maiores e de inclusión.
A sostibilidade das actividades pesqueiras, vén dada por diferentes factores: ambientais, produtivos,... pero sobre todo porque o produto se comercialice e se consuma, promovendo unha cultura de consumo local, que actualmente se está esvaecendo.
O consumo implica a sostibilidade do propio sector, co cal é un elemento central sobre o que orientar a intervención que se poñerá en marcha co desenvolvemento deste Congreso da infancia e a adolescencia, onde o público máis novo, teña un papel de axente activo, na valorización e promoción dos recursos pesqueiros, e por tanto, da actividade pesqueira.
Contribución aos retos dos GALP cara o 2020:
Si
Non
Non
Contribución:
Política pesqueira común
Crecemento azul
Cambio climático e transición enerxética a unha economía de baixas emisións de carbono
Creación de emprego e integración social (mulleres, mozos/as e inclusión social)
Crecemento azul
Cambio climático e transición enerxética a unha economía de baixas emisións de carbono
Creación de emprego e integración social (mulleres, mozos/as e inclusión social)